Ansøgningsfristen for dette job er udløbet. Se ledige job →

Suleqatigiinni nalerisimaarnermik ilinniagaqassutsimillu ataqatigiissitsisuni peqataarusuppit?

Qaqortumi kigutilerivik, sullivimmi avatangiisit pitsaasuunissaannik, suleqatigiinnermik ulluinnarnilu qungujulanissamut inissaqartitsinissamik pingaartitsivik, klinikassistentimik pissarsiorpoq. Manna nutaalianik periarfissaqarpoq, suleqatit pikkorissut, ilinniagaqassutsikkullu inuttullu ineriartorniussamut periarfissaqarneq – immitsinnut paarineq suliffimmilu qiimanermik pilersitsineq.

Neqeroorutigaagut

  • Suliffik isumalik, ilinniagaqassutsikkut tungiuinikkullu sunniuteqarfigisinnaasat.
  • Sullivimmi pitsaasunik avatangiisilimmi ulluinnaat uummaarissut allanngorartullu.
  • Ilinniagaqassutsikkut inuttullu piginnaasatigut inerisarsinnaaneq.

Pissarsiariniagarput

  • Kigutilerivimmi arlalinnik suliassaqarfeqarmat, eqaatsumik periuseqarpoq, suliartortuarpoq suleqatiginnikkumatuujullunilu.
  • Kigutit nakorsaat oqaluttaaffigisussaasagamigit, kalaallit danskillu oqaasiinik atuinissamut allannissamullu piginnaaneqarpoq. 
  • Qarasaasiarsorsinnaaneq iluaqutaassaaq.
  • Meeqqat inersimasullu sioorasut nakorsartaratsigittaaq, misigittartuuvoq attaveqallaqqissuullunilu.

Uagut:

  • Qaqortumi kigutilerivik nutaaliaavoq atortorissaartoq, sulisunut pitsaasunik periarfissalik. 
  • Suleqatigiit tassaavugut kigutit nakorsaat, kigutigissaasoq, klinikassistentit ikiortillu.
  • Sullivimmi pitsaasunik avatangiiseqarneq, suliffik aalajaatsoq pissanganartunik suliassalik pingaartipparput.
  • Meeqqanit mikisuniit utoqqarnut sullitassarigakkit atituunik misilitagaqalissaatit.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: 1/11-2026 immikkulluunniit isumaqatigiissuteqarnikkut

Qinnuteqarfissaq kingulleq: 11/10- 2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Kigutilerinermi siunersorti: Aviana Reimer mailikkut: AVRE@PEQQIK.GL, oqarasuaatikkut: 00299 34 40 16 / imal. kigutit nakorsaattut qullersaq: Torben Gasseholm mailikkut: TLIG@PEQQIK.GL, imal. oqarasuaatikkut: 00299 64 76 96 attavigalugit pissarsiarineqarsinnaapput.

Ineqarneq

Inissamik INNERSUUSSISOQANNGILAQ

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.