Pitsaassutsimut qulakkeerinnittoq

Uummannap tunisassiorfiani pitsaassutsinut qulakkeerinnittoq

Pitsaassutsimut tunngasunik eqqummaarissuuit aammalu sukumiisumik sulinissamut piginnaaneqarlutit? Akisussaaffimmik tigusisinnaavit aammalu suliffimmi ulapaarfiusumi aaqqissuussamik sulinissat nuannaraajuk? Taava immaqa illit ujartorpatsigit Uummannami tunisassiorfitsinni.

Pitsaassutsimik suliaqartutut pingaarutilimmik inissisimassaatit, tassanilu qulakkeerinneqataassaatit tunisassiatta pitsaassutsimut piumasaqaatit qaffasissut, pisiniartunit oqartussanillu piumasaqaatit naammassineqarnissaannut. Ullut tamaasa pitsaassutsimut aamma nammineq nakkutilliinermut malinnaanermi pingaarutilimmik inissisimassaatit.

Suleqatit pitsaasut peqatigalugit sulilissaatit, taakkulu imminnut ilisimalluarput aammalu ulluinnarni suleqatigiinnermi oqitsumik attavigiittartuullutik.

Suliassatit pingaarnerit ilaatigut tassaassapput:

• Nammineq pitsaassutsimik suliaqarnermut aamma malinnaaneq 
• Oqartussanit aamma pisiniartunit piumasaqaatit malinneqarnissaat qulakkeerlugu 
• Nakkutilliisoqaraangat peqataaneq aammalu taakkununnga malinnaaneq 
• Nikingasoqarnerani (afvigelser), naammagittaalliuutinik aammalu iliuusissatut pilersaarutinik suliaqarnermi peqataaneq 
• Nammineq nakkutilliinermut aamma eqqiluisaarnermut ilinniartitsinermut peqataaneq 
• Pitsaassutsimik aqutsinermi pitsanngorsaanerit ingerlaavartumik peqataaffigineqarnissaat 

Suliassat pingaarnerit saniatigut HACCP-mut peqataasarneq, illut sanaartukkat misissornerini malinnaaneq aamma tunisassiorfimmi tunisassiortut malinnaaffiginerinut peqataasarneq ilaassaaq.

Ilinnit naatsorsuutigaarput:

• Nerisassanik tunisassiornerup iluani imaluunniit pitsaassutsimik suliaqarnermi misilittagaqarneq 
• Pitsaassutsip iluani suliarisanik misissuilluarnermik aamma pitsaassutsimik suliaqarnermik ilisimasaqarluarneq 
• Aaqqissuussamik nammineersinnaallutillu sulisinnaasutit 
• IT-mut (ass. MS Office) ilisimasaqarluarneq 
• Danskisut oqalussinnaaneq aammalu tuluttut kalaallisutulluunniit pisinnaaneq iluaqutaassaaq 

Neqeroorutigaarput:

• Suliffik pissanganartoq assigiinngitsorpassuarnik suliassaqarfiusoq 
• Suliffimmi avatangiisit pitsaasut suleqatillu ikiuiumatuut 
• Akunnermusiat naapertorlugit atorfinitsitsineq 

Illit pilerinarpa?
Taava tikilluaqqusaavutit attaveqarfigissallugu fabrikschefi Jacob Mathiassen oqarasuaat 954143 imaluunniit mail: jmat@royalgreenland.com annertunerusumik paasisaqarusukkuit.

Qinnuteqaatit nittartagarput aqqutigalugu nassiunneqassapput.

Qinnuteqarnissamut killissarititaasoq: juunip 3.-at, 2026