Ansøgningsfristen for dette job er udløbet. Se ledige job →
Meeqqerivik Tunguusaq perorsaasumik pissarsiorpoq
Qaqortumi Meeqqerivik Tunguusami meeraaqqerivittaani perorsaasunik ilinniarsimasunik pissarsiorpoq novembarip ulluisa aallaqqaataa 2026-mi sulilersussanik imaluunniit isumaqatigiissuteqarnikkut.
Meeqqerivik Tunguusaq meeqqanut 44-nut naatsorsuussaavoq, init pingasuupput taakkunani meeraaqqeriviit marluullutik meeqqanik 12-nik inissallit meeqqerivik ataasiulluni meeqqanik 20-nik inissalik.
*Meeqqeriviup tunaartaraa kultur-ikkut naleqartitat kiisalu nunatta pissarititai aallaavigalugit assassorneq pilersitsinerlu.
*Akuersaartumik perorsaariaaseqarnermi meeqqap killiffia ataqqineqarluni isumassorneqarnera pingaartitaraarput
Qaqortumi meeqqeriviit sisamaapput, pisortaasullu suleqatigiilluartuupput pisariaqartitsinerlu naapertorlugu ikioqatigiinnermik pingaartitsisuullutik.
Illit perorsaasutut ilinniarsimasuullutit Tunguusamii makkua akisussaaffigissavatit akisussaaffigissavatit:
- Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut Inatsisaat nr.62, 20. november 2023-meersumik ingerlatsineq
- Meeqqerviup tunaartaanik ingerlatseqataaneq
- Meeqqeriviup tunaartaata anguniagaasa piginnaaneqarfiginissaat soorlu qulaani meeqqeriviup tunaartaata ilisaritinnerannut attuumassuteqartunut.
- Ukiumut pilersaarummik ingerlatseqataaneq
- Angajoqqaanik suleqateqarnermi eqqummaarissuuneq
- Perorsaanilerinermik nakkutiginninneq, nutarsaajuarneq
- Suleqatikkuminartoq, tarnikkut timikkullu nukittooq
- Killiliisinnaasoq
- Ajornartorsiutinik qaangiinissamik aqqutissiuisinnaasoq
- Ulapaarfimmi ataatsikkoorussisinnaasoq
- Aqutsinermik misilittagaqartoq
- Meeqqanut isumassuisoq
Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.
Atorfinitsitsisoqassaaq akissarsiaqartitsisoqassallunilu Namminersornerullutik Oqartussat aamma Perorsaasut Ilinniarsimasut Peqatigiiffiat isumaqatigiisut atuuttut naapertorlugit.
Avataaniit tikittut atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.
Annertunerusumik paasisaqarusukkuit uunga saaffiginnissinnaavutit pisortaq
Pilunnguaq Kleist tlf: 648340 email: tunguusaq@kujalleq.gl
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik oktobarip ulluisa allaqqaataa 2026.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
Qinnuteqarnissamut killissarititaasoq: oktobarip 1.-at, 2026
