Qaqortumi utoqqaat illuat “Ajarsivasik” peqqissaasussarsiorpugut.
Peqqissaasutut atorfik novembarip ulluisa aallaqqaataa 2026 imaluunniit piaarnerpaamilluunniit inuttalerniarneqarpoq.
Utoqqaat illuat 48-nut inissaqarpoq, taakkulu immikkoortortanut pingasunut agguataarsimapput.
Inissinneqartut tassaasarput nammineersinnaasut kiisalu tamakkiisumik isumagineqartariaqartut.
Pingasunik immikkoortortaqarpoq, nalinginnaasumik paaqqinniffiit marluk kiisalu puigortunngortunut immikkoortortaq ataaseq.
Ikiortarialinnut angerlarsimaffiuvugut nutaamik eqqarsarnermut, ineriartornermut ammasuulluta, utoqqaat inuunerannik atugaannillu pitsanngorsaanissamik siunissamut takorluugaqartuulluta.
Peqqissaasoq ataasiuvoq, taamaasilluni peqqissaasut marlunngussallutik, taamalu sundhedsassistentip sundhedshjælperillu kiisalu ilinniagaqarsimanngitsut arlallit saniatigt najugaqartunut 48-inut peqqissaasut marluussapput.
Suliassat akisussaaffiillu:
- Najugaqartumik tunngaviusumik paaqqutarinninneq pisariaqartitsinerlu naapertorlugu ikiuineq. Pingaartumik paaqqutarineqarnissamik pisariaqartitsisunut.
- Najugaqartoq qitiutillugu suleqatigisanik attuumassuteqartunik suliassaqarfinni assigiinngitsuni suleqateqarneq.
- Ilinniartunut ikiortitut siunnersortaaneq.
- Najugaqartut toqqissisimanissaat imartuumillu inuuneqarnissaat anguniarlugu sulissuteqarneq
- Najugaqartunik sullissinerup pitsaassusaanik isumannaarinninneq
- Sulianik ineriartortitseqataaneq
- Nakorsaatitukkanik annertussusiliineq
- Napparsimasoqarnerani najugaqartunik naliliisarneq
- Qaammatikkaartumik nakorsap misissuiartortarnissaanik qulakkeerinnnineq
- Suliatigut piginnaasaqarnerup ineriartortinnissaanut ataavartinnissaanullu ujartuiuarneq
- Suliartoqquneqarnissamut piaarersimaneq atorfimmut ilaavoq, suliartoqquneqarsinnaassalluni sapaatit akunneri 3-4-iikkaarlugit
- Ullukkut sulinerusassaq, pisariaqartillugulu unnukkut unnuakkullu suliffiusinnaalluni
Piginnaasat piumasaqaatillu
- Peqqissaasutut ilinniagaqarsimanissaq.
- Suliniuteqarumatooq suleqatiminillu peqataatitsisinnaasoq.
- Marluinnik oqaaseqartuussaatit kalaallisut qallunaatullu (piumasaqaataanngilarli)
- Kikkunnut tamanut, najugaqartunut suleqatinullu akuersaartoq
- Pinerluuteqarsimannginnermut uppernarsaat.
- Aalajaatsutit, tatituujusutit inunnillu allanik inissaqartitsillutit
- Utoqqarnik sullisserusussuseqartuussaatit
Akissarsiat sulinermilu atugassarititaasut Kalaallit Nunaanni Namminersorlutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.
Inissaqartitsisoqarsinnaavoq, malittarisassallu atuuttut naapertorlugit akilersorne- qassaaq. llisimaqqussavarput sulisunut inissianut utaqqineq assut sivisusarmat, sulisumut inissaminik neqerooruteqarsinnaalernissamut atorfinitsitsineq utaqqissunneqarsinnaavoq.
Atorfik pillugu paasissutissat sukumiinerusut pisortaagallartoq Naja Kriegel oqarasuaat (+299) 54 11 54-imut sianerluni imlt. e-mailikkut: nakr@kujalleq.gl saaffiginninnikkut pissarsiarineqarsinnaapput.
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik oktoberip 14-iat 2026.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
