Ansøgningsfristen for dette job er udløbet. Se ledige job →
Tasersuup Atuarfia overassistentimik pissarsiorpoq
Tasersuup atuarfiani overassistentimik novembarip ulluisa aallaqqaataa 2026 imaluunniit isumaqatigiissuteqarnikkut piaarnerpaamik atorfinittussamik pissarsiorpugut.
Atuarfimmi overassistentitut allaffissornerrmi suliassat suliassallu nalinginnaasut atuarfiup ulluinnarni ingerlanneqarneranut attuumassuteqartut suliarisassavatit. Ilaatigut atuartut pillugit suliassat, attaveqarnerit, paasissutissanik nalunaarsuinerit ataatsimiinnernillu ataqatigiissaarinerit isumagisarissavatit. Atuartunik, angajoqqaanik sulisunillu sullissisassaatit taavalu atuarfiup aqutsisuinut sulisunullu allanut tapertaassallutit pingaarutilik. Sulinikkut allaffissornerup angusaqarfiulluarnissaa ingerlalluarnissaalu peqataaffigissavatit.
Atuarfiup avammut kiinnaraatit amerlasuutigullu tassaasartussaallutit inuup atuarfimmut saaffiginnittup naapitaa siulleq. Atuarfiup aqutsisui sulisullu allat peqatigalugit suliassat assigiinngitsut ullormiit ullormut allanngorartartussat suliarisassavatit. Atuarfimmut atasumik atuareersut paarineqartarput kiisalu atuartunut angerlarsimaffeqarluni, aamma taakku sullittassavatit.
Illit suliassatit
- Naatsorsuusiorneq
- Allagaataasivimmut inissititerineq
- Sulianik ingerlatsineq
- Akiligassat akiligassanullu iluarsiissutit suliarineqarnerat
- Tabulex Tea-mik Skoleintra-millu aqutsineq
- Atualertussanik nalunaarsuineq
- Saaffiginnissutit isumagalugit
- Ininik attartorneq, inniminniinerit kiisalu qaammatisiutinik nutarterisarneq
- Atuartut mappersagaannik allakkanillu suliaqarneq
Suliassat ilinniaqqaagassaapput, suleriaatsinullu tamanut ilinniartinneqassaatit.
Akissarsiatigut atorfinitsitsinermilu atugassarititaasut:
Akissarsiat atorfinitsitaanermilu atugassarititaasut isumaqatigiissut atuuttoq naapertorlugu aalajangersarneqassapput, qinnuteqartullu ilinniagaqarsimanera, misilittagai / piginnaasai apeqqutaatillugit.
Atorfillit illuat
Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.
Allat paasissutissat
Atorfik pillugu paasissutissat pissarsiarineqarsinnaapput uannga: Atuarfiup pisortarigallagaa Benedikte Jerimiassen beje@kujalleq.gl/ 648221 imaluunniit tullersortimut Karlina Lundblad klun@kujalleq.gl 648222
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik oktobarip ulluisa aallaqqaataa 2026. Sulisussaq naleqquttoq nassaarigutsigu atorfinittussanik oqaloqatiginninnerit ingerlasassapput atorfinitsitsiumaarlutalu.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
Qinnuteqarnissamut killissarititaasoq: oktobarip 1.-at, 2026
