Ansøgningsfristen for dette job er udløbet. Se ledige job →
Suliffik pissanganartoq unammillernartorlu ujartorpiuk?
Taava periarfissaqalerputit Royal Greenlandip Kangaatsiami tunisassiorfiani atorfininnissannut.
Teknikkimut immikkoortortaqarfimmi sulisut pikkorissut marluk peqatigalugit sulisassaatit. Ataatsimoorlusi tunisassiorfiup teknikkikkut atortui, illuutit, biilit kiisalu nunaqarfiit atasut teknikkikkut pitsaasumik isumannaatsumillu ingerlanissaat qulakkeissavarsi.
Toqqaannartumik Kangaatsiami tunisassiorfimmi pisortamut nalunaaruteqartassaatit.
Sulinermi ukiumut ullut 60-80-it missaanniittut nunaqarfinnut pingasunut angalasarnissaq naatsorsuutigineqassaaq.
Suliassat pingaarnerit
Teknikeritut ilaatigut makku akisussaaffigissavatit:
- Tunisassiorfiup illuutai, tunisassiornermut atortui kiisalu angallatit biiliillu pitsaasumik inissisimanissaat qulakkiissallugu, taamaalilluni tunisassiorneq ingerlaavartumik pitsaasumik ingerlanneqarsinnaassalluni.
- Illuutit atortullu aserfallatsaaliorneqarnissaat pillugit pilersaarutit naapertorlugit sulisassaatit kiisalu misissuinerni peqataassallutit.
- Pitsaassutsimut piumasaqaatinik saneqqutsinerit ingerlaannaq teknikkimut pisortamut nalunaarutigissallugit.
- Tunisassiorfimmi teknikkikkut atortunik ingerlaavartumik misissuisarneq kiisalu amigaataasinnaasunik teknikkimut pisortamut, pitsaassutsimut akisussaasumut nalunaaruteqartarneq kiisalu iluarsiinissamut iliuuseqarneq.
- Teknikkimut paasissutissat pingaarutillit tunisassiornermut akisussaasunut, teknikkimut pisortamut, pitsaassutsimut akisussaasumut kiisalu tunisassiorfimmi tunisassiornermut pisortamut nalunaarutigisarnissaat.
- Teknikkimut immikkoortortaqarfimmi init tamarmik suliffeqarfiup pitsaassutsimut malittarisassai naapertorlugit torersuunissaat eqqiluitsuunissaallu peqataaffigissallugu.
- Ammoniakimik, CO₂-mik kiisalu freonimik atuisarnermik misilittagaqarneq kiisalu qerititsivinnik ingerlatsinermi ilisimasaqarluarneq.
- Kompressorit aserfallatsaaliorneri, iluarsaanneri kukkunersiornerilu pillugit misilittagaqarneq.
- Suliassat assigiinngitsorpassuupput, taamaattumillu mekanikkimut aammalu saviminilerinermut tunngasut aamma suliarineqartassallutik.
- Pigaartuusarnermi peqataasarnissaq.
Illit pillutit:
Nillataartitsinermut qerisunillu teknikeriuvutit, innaallagisserisuuvutit imaluunniit teknikkimut tunngasumik assingusumik ilinniagaqarputit.
Inuttut naatsorsuutigaarput:
- Torersumik aaqqissuussisumik, pitsaasumik pissuseqartumik nukissaqarluartumillu.
- Aalajaatsumik akisussaassuseqarluartumillu.
- Suliffiup nikerartumik piffissaqartitsisarnera pillugu eqaatsumik.
- Kalaallisut danskisullu oqalussinnaaneq allassinnaanerlu iluaqutaassaaq, piumasaqaataanngilarli.
- Biilernermut allagartaqarnissaq.
Aamma naatsorsuutigineqarpoq
- Suliffiup piffissai nikerarsinnaasut akuerisinnaassagit.
- Piffissani aalajangersimasuni vagtplan naapertorlugu sapaatit akunnerisa naanerini sulisarsinnaassasutit.
Neqeroorutigaavut
Suliffik pissanganartoq unammillernartorlu neqeroorutigaarput suleqatit pikkorissut akornanni, inuttut suliatigullu ineriartornissamut periarfissagissaarluni.
Akissarsiat atorfinitsitaanermilu atugassarititaasut isumaqatigiissutit naapertorlugit kiisalu immikkut ittumik tapiliussat ilanngullugit ingerlanneqassapput.
Paasissutissat sukumiinerusut
Paasissutissat sukumiinerusut pillugit attaveqarfigikkit:
Fabrikschef Jørgen Inusugtoq
📧 join@royalgreenland.com
📱 +299 53 41 31
imaluunniit
Søren Olsen Damgaard
📧 sold@royalgreenland.com
📱 +299 54 75 87
Qinnuteqaatit ugguuna nassiunneqassapput.
Qinnuteqaatit tigunissaat qilanaaraarput.
