Ansøgningsfristen for dette job er udløbet. Se ledige job →

Ujartorparput:

Kommune Kujalleq Narsarsuarmi ingerlatsinermut upalungaarsimanermullu atorfimmut marloqiusamut marlunnik sulisussarsiorpoq. Atorfiup suussusia ataasiuvoq atorfinitsitassallu marluussallutik.A. Atorfimmi ulluinnarni kommunimi ingerlatsineq, sullissinermut aserfallatsaaliuinermullu kiisalu sumiiffimmi upalungaarsimasumi peqataaneq ilaapput. Lastbiilit suliassanik naammassinninnermut ilaammata lastbiilinut ingerlatsisinnaanermut allagartaq piumasaqaataavoq.

Atorfinitsitaanissaq isumaqatigiissuteqarnikkulluunniit sapinngisamik piaartumik pissaaq.

Suliffeqarfik:

Narsarsuaq

Atorfinitsitsinerup qanoq ittuunera:

Suliffeqarfiit aalajangersimasut marluk (sapaatip akunneranut 40 tiimit)

Suliassat

  • Narsarsuarmi ulluinnarni kommunimi ingerlatsinermik, eqqiluitsuutitsinermik, torersaassinermik kiisalu minnerusunik aserfallatsaaliuinernik suliaqarneq.
  • Ikuallattoornermi annaassiniarnermilu peqataaneq, sungiusaatini kiisalu upalungaarsimanermi suliassanik allanik peqataaneq.
  • Lastbiilinik aqutsineq kiffartuussinerlu kiisalu atortut, maskiinat, qamutit mutoorillit upalungaarsimanermilu atortut naapertuuttut allat.
  • Aqqusinernik, majuartarfinnik, aqqusineeqqanik, inissanik, kussinernik, kuuffissuarnik, aqqusinerni kussiorneq, kommunimi nunaminertanik, stationinik kiisalu atortunik ingerlatsinermi aserfallatsaaliuinermilu suleqataaneq.
  • Nutarterinermi, eqqagassalerinermi, atortussanik assartuineq, aputaajaanermi, quasannartuiaanermi, nakkutilliinermi kiisalu pisariaqartitsisoqartillugu suliassanik takkussuuttunik suliaqarnermi peqataaneq. 

Naatsorsuutigaarput

  • Lastbiilinut atuuttumik biilersinnaanermut allagartaqartutit (kategori C – mik).
  • Ingerlatsinikkut, entreprenørit suliassatigut, assartuinikkut upalungaarsimanikkulluunniit piginnaasat iluaqutaapput.
  • Timikkut qasujaatsuussaatit, suliartornissamut aalajaassuseqartutit, namminersorlutit sulisinnaasutit kiisalu pisuni ulapaarfiusuni eqqissisimasumik iliuuseqarsinnaassuseqartutit.
  • Ingerlatsinermi, upalungaarsimanermi, sungiusaatini kiisalu piginnaasanik inerisaanermi pisariaqartumi akisussaaffeqarneq piumassuseqarnerlu.

Aningaasarsiatigut atorfinitsitaanermilu atukkat:

Akissarsianut atorfinitsitaanermullu tunngasut isumaqatigiissutit malillugit akissaasersuisoqassaaq.

Neqeroorutigaarput

  • Atorfiit marluk siammasissumik pingaarutilimmillu atuuffinnik akisussaaffilik, allanngorarnilik kiisalu Narsarsuarmut annertuumik pingaarutilik.
  • Kommune Kujallermi suliffik assigiinngiiaartoq ingerlatsinermut, sullissinermut upalungaarsimanermullu qanittoq.

 Atorfik pillugu paasissutissat allat Upalungaarsimanermut pisortaq Asmus Hansen saaffiginninnikkut pissarsiarineqarsinnaapput email: asha@kujalleq.gl oqarasuaatip nr.: 493406.

Qinnuteqaat pineqaatissinneqarsimannginnermut uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit kingusinnerpaamik kommunimit tiguneqareersimassapput Augustip ulluisa 25. – at 2026

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut

Qinnuteqarnissamut killissarititaasoq: aggustip 25.-at, 2026