Ansøgningsfristen for dette job er udløbet. Se ledige job →
Avannaata kommuniani immikkoortortaqarfimmi Qaanaami avatangiisinik sullissisumik atorfik inuttassarsiuunneqarpoq 01.11.2026 imaluunniit isumaqatigiissuteqarnikkut sulilersussamik pissarsiorpoq.
Avatangiisinik sullissisutut atorfik Qaanaami meeqqat inuusuttut ilaqutariillu akornanni pitsaaliuinermik suliaqartussaavoq.
Qaninnertut pisortarissavat Qaanaami sullissivimmi aqutsisoq.
Avatangiisinik sullissisup pinaveersaartitsinermi siunnersorti aammalu ilaqutariinnut siunnersuisartoq qanimut suleqatigilluinnarlugit igerlasarput, suleqatigiillu taakku akunnerminni ilusiliinissartik aaqqissuuttarpaat.
Inuk atorfinitsitassarput namminersorluni sulisinnaassaaq, tatiginartuulluni, attaveqaqqatigiinnermut pikkorissuussalluni kiisalu suliffimmut aalajaattussaalluni tarnimigullu patajaalluni.
Avatangiisinik sullissisutut ilaatigut makku suliarisassavatit:
- Pinaveersaartitsinermut ataatsimiititaliap suliassatut innersuussutai ilaqutariit illuanni sulisut avatangiisinillu sullissisup akornanni meeqqat inersimasullu atugarliortut pillugit isumaqatigiissutaasut suliarissavai
- Tapersersuinerup pitsaasuunissaanik akisussaasuuneq, meeqqat ukiuminnut naapertuuttumik kommunimi anguniakkat pinaveersaartitsinermilu angniakkat naapertorlugit tamanna pissaaq
- Meeqqat inersimasulluunniit ataasiakkaat inissisimaneri pisariaqartitaalu naapertorlugit iliuuseqarsinnaassaaq, aamma paasissutissat malinnaanerillu pinaveersaartitsinermut siunnersortimut ilaqutariillu illuinnut sulisunut ingerlateqqittassallugit
- Sutigut tamatigut ineriartorneq, avatangiisinik sullissinerup pitsanngorsarneqarnera, pinaveersaartitsinerit allat meeqqanik ilaqutariinnillu sullissinerit allat aamma peqataaffigissavai
- Ataatsimiinnermi peqataaneq, aamma pinaveersaartitsinermi sutigut tamatigut ajornartorsiutaasinnaasut assigiinngitsut, sullivimmi avatangiisit tarnikkullu atukkat aallaavigalugit eqqartorneqartartut ilanngullugit, paasissutissanik tigooqqaaneq tunniussuinerlu
- Qaammatikkaartumik suliat pillugit allakkiortassaaq, pinaveersaartitsinermut siunnersortimut tunniuttagassaminik, ilaqutariillu illuinni sulisut allat ilisimatittassavai oqaaseqaatiminik tamanik, ernumassutigisaminik kiisalu sulinermini naapertuutinngitsutut isigisaminik tamanik
- Pinaveersaartitsinermik suliaqartup pikkorissarnissamik allatullu ilinniarnissamik neqeroorutai aqqutigalugit piginnaasaminik pitsanngorsaanissamut isumagisassavaa
Avatangiisinik sullissisup naattorsuutigissavaa nikerartumik sulisarnissani, tassani apeqqutaatillugu meeraq/inuusuttuaraq nakkutigisassaq sutigut pisariaqartitsinersoq.
Ilinniakkatigut piumasaqaatit:
Avatangiisinik sullissisoq atorfinittussaq ilinniakkatigut inunnik isumaginninnermi peqqissaanermiluunniit ilinniagalik, imaluunniit perorsaasutut ilinniagalik kissaatigineqarpoq, toqqaannartumilli piumasaqaataanani, inuk allamik ilinniagalik inunnillu isumaginninnermik sulinermik misilittagalik aamma atorfimmut piukkunnaateqarsinnaavoq.
Akissarsiaqarneq atorfinitsitaanerlu:
Atorfininnermi atugassarititaasut Naalakkersuisut peqatigiiffiillu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfimmut atatillugu inissaqartitsisoqanngilaq.
Pisortatigoortumik pinerlussimannginnermut uppernarsaat ( Straffeattest) naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinut sulisitsisumiit aaneqassapput.
Atorfik pillugu annertunerusumik paasisaqarusukkuit Peqqinneq sunngiffillu aqutsisuugallartoq Rosa Kristiansen rokr@avannaata.gl attavigisinnaavat tlf:387985 imaluunniit e-mail; anpk@avannaata.gl
Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut nassiunneqassapput Avannaata Kommuniata nittartangaa: Avannaata.gl/ledige-stillinger iserfingalugu.
