Qaanaami Majoriaq 15. Juni 2026 imaluunniit isumaqatigiissuteqarnikkut piaartumik sulilertussamik Overassistent-imik pissarsiorpoq.
Suliassat akisussaaffiillu:
·Illoqarfimmi aammalu nunaqarfinni innuttaasunik suliffissaqarniarnikkut ilinniartitaanikkullu ingerlariaqqikkusuttunik suleqataaneq
·Majoriami suliffissarsiortunik sullissineq.
·Majoriami suliassat naliginnaasut allat
·Suliffeqarfimmi atorfiup ineriartortinneqarnissaa, sulisut allat peqatigalugit
·Sulinerullu ingerlanneqaranut nutaaliornernik aaqqiissutaasinnaasunillu siunnersuineq.
Suliamut ilinniagaqarsimanissaq kissaatigineqarpoq, sulilernermi ingerlaannartumik illoqarfimmi, illoqarfiullu nunaqarfiini marluusuni innuttaasut ingerlariaqqitsinniarneqarnerannut peqataalersinnaallutit aammalu allaffimmi suliassanik tiguseriaannaassallutit.
Majoriaq assigiinngitsunik suliarpassuaqarmat naatsorsuutigaarput tunniussimasuunissat, suliassallu assigiinngitsut suliakkiissutigineqartut naammassillugit suliarisinnaassagitit.
Pisinnaasat:
- Suliassamut naapertuuttumik ilinniagaqarsimasoq.
- Inuusuttunik inersimasunillu sullisserusuttoq.
- Sulilluartoq, imigassamik aanngajaarniutinillu ajornartorsiuteqanngitsoq.
- Marluinnik oqaaseqartoq, kalaallisut qallunaatullu, kisiannili piumasaqaataanngilaq.
Naatsorsuutigissavat suliamut tunngatillugu ilinniaqqissinnaangavit, pingaartumik Majoriap ataani ilinniagassanut pikkorissarnissanullu piumasaqaataasunut.
Akissarsiaqartitsineq atorfinitsitinerlu:
Atorfinitsinneqartoq Naalakkersuisut aammalu SIK malillugu atorfinitsinneqassaaq.
Atorfimmut atatillugu inissaqartitsisoqanngilaq
Atorfik pillugu paasissutissat amerlanerusut pissarsiarineqarsinnaapput Qaanaami Majoriami aqutsisumut Aima Kristiansen saaffigineratigut, uunga 38 79 81 imaluunniit mailikkut; aikr@avannaata.gl.
Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq Avannaata kommuniata nittartagaatigut kingusinnerpaamik 10. juni 2026.
