Ansøgningsfristen for dette job er udløbet. Se ledige job →
torfik oktobarimi 2026-imiit 2027-imi marsip tungaanut inuttassarsiuunneqarpoq.
Neqeroorutigaagut:
- Suliffik pissanganartoq, ullullu assigiinngitsunik pisoqarfiujuaannangajattut!
- Napparsimmavissuup avataani suliassartalik taamatullu Napparsimmavissuarmi uninngasunut/ nakorsianut tunngasunik suliassaqarfiusoq
- Napparsimmavissuaq tamakkerlugu suleqatitsialappassualik
Pissarsiariniagarput:
- Soorunami annaassiniartartutut ilinniarsimasuuvoq
- Suliartortuaannarpoq, suleqatiminit naatsorsuutigineqarsinnaavoq
- Kalaallisut danskisullu oqaatsinik atuisoq Nuummillu ilisimaarinniluartoq
Uagut:
- Naparsimmavisuarmi portøreqarfik 21-inik sulisoqarpoq taakkulu amerlanersaat ullumikkut annaassiniartartutut ilinniarsimapput
- Nal. ak. aqqaneq marlukkaarlugit kiisalu nal. ak. sisamat pigaartuuffiusarput, taakkulu katsillugit sap. ak. nal. ak. 40-iipput
- Sulianut ilaapput ajoqusersimasunut nakorsiartitsivimmit- aaqqissuussaanikkut nakorsiartarfiup ataani inissisimasumit- piumasarineqarpat ambulancimik ingerlatsineq, kiisalu Napparsimmavissuarmi suliassat assigiinngiaartut soorlu eqqagasalerineq, nakorsartinnissanut pilersaarutit naapertorlugit immikkoortortanit napparsimasunik angallassineq, Toqusunik – toqusunik misissuisarnerni ikiuunnerit ilanngullugit- toqusullu inaannik isumaginninneq
- Tamakku saniatigut avatangiisinniittunut kikkunnulluunniit kiffartuussiumatussutsimik takutitsinisat pingaaruteqarpoq.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 15/10-2026 immikkulluunniit isumaqatigiissuteqarnikkut
Qinnuteqarfissaq kingulleq: 7/10-2026.
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Portørit aqutsisuat Lars-Peter Noahsen oqarasuaatikkut: (+299) 34 49 31 imal. mailikkut: LAPN@PEQQIK.GL attavigalugu pissarsiarineqarsinnaapput
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
