Ansøgningsfristen for dette job er udløbet. Se ledige job →
Brugseni Sisimiut Bakeoff-mi sulisussarsiorpugut. Pisinianik sullissinermik suleqateqarnermillu misilittagalimmik ujaasivugut. Isumalluarlunilu ammasumik pisinianullu attaveqarluarnissamik pingaartitsisumik.
Suliffeqarfimmi ineriartorfiusumi sulilerusukkuit suliffik ilinnut immaqa tulluarpoq. Kalaallit Nunaanni Brugseni suliffeqarfiuvoq suliatsigut inuttullu piginnaasannik ineriartortitsinissamut periarfissaqarfiulluartoq. Sulisutut ulluinnarissavat inuppassuarnut attaveqartarneq. Suliassarissavat uagut sinnerluta avammut kiinneraartuunissat pisiniat pisiniarnerminni misigisaat nuannersuuniassammata.
Pingaarnertut suliarineqartussat:
- Karsimi sullissineq
- Pisiassanik ilioraaneq/torersaaneq
- Eqqiaaneq
- Pisiniarfimmi suliassaasinnaasut allat
Ilinnut naatsorsuutigaarput:
- Pisiniarfinni sulinermik misilittagaqarnissat, piumasaqaataanngilarli ilinniartinneqarsinnaagavit
- Piffissaq eqqorlugu suliartortassasutit
- Eqeersimaatuusutit sullissilluarumasuujullutillu
- Piffissani suliartortarfinni nikerartuni sulisarsinnaanissamut sapinngilaq, unnukkut weekend-inilu sulisarnissat aamma pisinnaasarmata
Neqeroorutigaarput:
- Suliffiup avatagiisaani allangorarsinnaasumi suliffik pissanganartoq, sullissilluarnissamillu pingaartitsiffiusoq
- Brugsenip pisiniarfiini tamani sulisunut akikilliliinermik ajunngitsorsiaqartitsineq pitsaasoq
- Suliffeqarfik pitsaasoq sulisut pitsaasut akornani
- Isumaqatigiissut atuuttoq malillugu akissarsiaqartitsineq
Qinnuteqarnissamut killigititaasoq:
Kingusinnerpaamik 15. juli Siusinnerusukkut qinnuteqarsinnaakuttoorputit oqaloqatiginninnerit ataavartumik ingerlanneqassammata.
Atorfimmut tunngatillugu apeqqutissaqaruit:
Neqaarniarfimmi pisortaq Thomas Hjaltalin Jensen, tlf 861705 imal. E-mail: 07680sla@brugseni.gl
Nittartagaq: www.brugseni.gl
Facebook & Linkedin: Kalaallit Nunaanni Brugseni
Suliffik sumiiffia
Aqqusinersuaq 52
3911 Sisimiut
Grønland
Ulloq qinnuteqarfissaq kingulleq:
15. juli 2026
