Atuarfik Mathias Storch-imi, Avannaata Kommunianiittumi, ilinniartitsunik nuannaartunik, ammasunik, aalajaatsunik, tutsuiginartunik aamma pisunik assigiinngitsunik sukkasuumik sulinissaminnut piareersimasunik amigaateqarpugut. 

Alloriarfinnut tamanut ilinniartitsisussarsiorpugut. 

Atuarfik Mathias Storch tassaavoq illoqarfimmi atuarfiit aappaat 365-t missaanni atuartuutilik aamma 55-inik sulisulik.

Atorfiit inuttaqanngitsut 1.august 2026-imi inuttalerneqarusupput.

Piginnaasat:
•                   Ilinniartitsisutut ilinniarsimasuunissaq
•                   Akisussaassuseqarluartoq, eqeersimaartoq pimoorussisorlu.
•                   Suleqatikkuminartoq, kiinnerluarsinnaasoq aalajaatsorlu
•                   Timikkut tarnikkullu peqqissoq
•                   Takorluuilluarsinnaasoq, ineriartornermut tunngatillugu nutaaliortoq 
•                   Akuersaartoq, namminerlu aallartitsisinnaasoq
•                   Periarfissanik ingerlatsitsisinnaasoq, aporfiit uniffiginagit
•                   Atuarfimmi avatangiisini allanngorartuni ineriartortunilu,suleqataanissamut piumassuseqarneq.
•                  Atuartitseriaatsinut nutaanut ammaffiginnittoq
•                   iPadimik atuarnissamik paasisaqarusuttoq
•                   Eqaatsumik sulisinnaasoq.

Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-p akornanni isumaqatigiissut naapertorlugu atorfinititsisoqassaaq.Qinnuteqartut, tjenestemandit atorfianneersut, atorfinititseriaaseq taanna pigiinnassallugu pisinnaatitaaffeqassapput.

Atorfik inissaqartitsinngilaq.

Akissarsiat aamma atorfeqarnermi atugassarititaasut, atorfininnermi angalasinnaaneq aamma pigisat nuunneqarneri ilaanngullugit, atorfinninerup naalaani Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-p akornanni isumaqatigiissutai atuuttut naapertorlugit pissapput.

Pineqaatissinneqarsimannginnermut aamma meeqqanik pinerliisimannginnermut uppernarsaat naammaginartut tunngavigalugit atorfinititsisoqassaaq, taakkualu naalagaaffiit politiivinut sulisitsisup qinnuteqartoq, atorfinitsinneqarnissaminut inassutigineqareersoq, akuersiteriarlugu aassavai.

Atorfik pillugu paasissutissanik amerlanerusunik pissarserusukkaanni atuarfiup pisortaa Julius Jeremiassen ugguuna attavigineqarsinnaavoq: jujl@avannaata.gl oqarasuaat (+299) 385541. 

Atorfininnissaq 1.august 2026 imaluunniit isumaqatigiissuteqarnikkut pissaaq. 

Qinnuteqaat kingusinnerpaamik 15.juni 2026 iserfissaq aqqutigalugu pissaaq.