Ansøgningsfristen for dette job er udløbet. Se ledige job →
Aaqqissuussamik periuseqarpit ataatsimullu isiginnillaqqissuuit? oqaloqatiginnillaqqissuuit, aamma suleqatinik oqimaassinnaasut pillugit oqaloqateqarnissamut tunngappat? Immaqa aqutsisutut ilinniarsimavutit imal. aqutsinermik misilittagaqarputit?
Minnerunngitsumillu – Peqqinnissaqarfik Diskomi innuttaasunut kiffartuussiumassuseqqarpit?
Portøritut aqutsisoq pissarsiariniagarput.
- Sulisoqarnermut atatillugu sullississut Mindkey atorlugu atorfininnernut tunngatillugu inniminniinermi allagartanik suliaqassaaq.
- Portørit /portøritut annaassiniartartut pigaartuuffissaasa suliarineqarnissaannut akisussaaffeqassaaq
- Suleqatinik paasissutissisarnermut ilinniagaqassutsikkullu inerisaanermut akisussaassaaq.
- Napparsimasunut akunnittarfimmut tunngatillugu allaffissornikkut suliassanik arlalinnik suliaqassaaq, tamatumunngalu atatillugu igaffik eqqiaasullu nalunaarfigisarlugit, napparsimasullu inissaannik inniminniissuttarlugit
- Sulisut inissaminnik innersuussivigineqarnissaannut inissamillu attartornermi isumaqatigiissummik pissarsinissaannut suleqataassaaq.
- Peqqinnissaqarfiup nukissanik atuilluarnissaanut suleqataassaaq.
- Suleqatigiinnermik suleriaatsinillu pitsaangorsaanissamik eqqumaffiginnissaaq, immikkoortortamik uninngavimmik suleqateqarluarnissamik pingaarnersiuillunilu immikkoortiterinermi inerisaanermi immikkut soqutiginnilluni.
- Sullivimmi pitsaasunik avatangiiseqarnissap suleqataaffiginissaanut soqutiginnissaaq
Sap. ak. nal. ak. 40-it suliffiusarput, nal. ak. tamakkerlugit Aasianni suliffiussapput
Neqeroorutigaagut:
- Portørit/portørit annaassiniartattoqatigiit suleqatigiilluartut, ulluinnarni aquttuuffissatit suliassanillu agguataarinermi ikiuuffissatit
- Ilinniagaqassutsikkut ineriartornissamut periarfissagissaarneq, aqutsinermut ilinniaqqinnissamullu periarfissaqarneq.
- Nunatsinni Peqqinnissaqarfiup Nuummi qitiusumik allaffissornermik ingerlatsivianik qanimut suleqateqarneq.
- Eqaatsumik periuseqarneq, illit nammineq ullormut suliassannik pilersaarusiorneq suleqativillu ullormut suliassaannik pilersaarusioqataanissamut periarfissaqarneq.
- Aasianni napparsimmavimmi allaffissornikkut immikkoortumi pingaarutilimmik inissisimasutut ulluinnaat ulapaarfiusut.
Pissarsiariniagarput:
- Peqqinnissaqarfik Diskomi innuttaasunik pitsaanerpaamik sullissinissamik soqutiginnilluinnartuuvoq
- Misilittagaqarpoq portøritullu/annaassiniartartutut ilinniarsimalluni
- Ilinniagaqassutsikkut ineriartornissamut kajungerpoq
- Attaveqatigiinneq nukittuffigaa, suliassamillu kivitsinissi soqutigalugu
- Oqaluuserissallugit oqimaassinnaasut pillugit suleqatiminik oqaloqateqarsinnaavoq oqaloqateqarusullunilu
Uagut:
- Peqqinnissaqarfik Diskomi innuttaasut 6000-it aqqusaartugassaannik aqutsineq, napparsimasunut akunnittarfik, angallassineq angerlarsimaffimmilu ikiuunneq portørinit/annaassiniartartunit isumagineqarput.
- Kommuni, politiit Peqqinnissaqarfiullu sinnera qanimut suleqatigineqarput
- Napparsimmavimmi sulisut tamarmik qanimut suleqatigineqarput
- Peqqinnissaqarfik Diskomi peqqinnissakkut sullinneqarnissamik neqeroorutit pitsaanerpaanissaannut toqqammavigissaarnissaq ukkataraarput.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 1/11-2026 immikkulluunniit isumaqatigiissutearnikkut
Qinnuteqarfissaq kingulleq: 9/10-2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Nakorsatut qullersaq Vibeke Sørensen oqarasuaatikkut: (+299) 56 07 06 imal. mailikkut: VEKS@PEQQIK.GL attavigalugu pissarsiarineqarsinnaapput.
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
