Ansøgningsfristen for dette job er udløbet. Se ledige job →
Aasianni Peqqinnissaqarfik Diskomi qitiusumik napparsimmavimmi kiassaatilerisutut/pedelitut atorfik, Peqqinnissaqarfik Disko tamakkerlugu akisussaaffilik, allanngorartunik tamatigoortunillu suliassartalik neqeroorutigaarput. Kiassaatilerisutut/pedelitut Peqqinnissaqarfimmi illuutinut teknikkimullu qitiusumik immikkoortoq suleqatigalugu napparsimmavimmi illuutit teknikkikkullu atortorissaarutit akisussaaffigissavatit. Aasianni napparsimmavik, ilaatigullu Peqqinnissaqarfik Diskomi peqqissaaviit nakorsiartitsiviillu, akisussaaffigissavatit.
Suliassatit illit nammineq pilersaarusiortarsinnaagakkit atorfik periarfissagissaarpoq. Suliniutit annikinnerit amerlasuut illit nammineq suussusersillugit ingerlallugillu naammassisinnaasassavatit.
Assassorluni suliassat tungaatigut ilinniagaqarsimanissat imal. tamatumuuna annertuumik misilittagaqarnissat piumasaqaataavoq.
Neqeroorutigaagut:
- Suliffik tamatigoortoq annertuumik periarfissalik, aammali annertuumik akisussaaffilik.
- Suliffik annertooq pissanganartoq ineriartortorlu.
- Maanna kiassaatilerisumik paasissutissiillunilu ilitsersuisussamik suleqateqarluarneq.
Pissarsiariniagarput:
- Assassorluni sulinermik ilinniagaqarpoq imal. ukiuni arlaqartuni uppernarsaatissartalimmik assassorluni sulinermik misilittagaqarpoq.
- Suliniutinik ingerlatsinermik aqutsinermillu misilittagaqarpoq
- Illoqarfimmut Peqqinnissaqarfik Diskomilu innuttaasunut iluaqutaasussamik, napparsimmaviup illutaanik teknikkikkullu atortorissaarutaanik aserfallatsaaliinermi suleqataanissamut soqutiginnippoq.
Uagut:
- Qitiusumik immikkoortortatsinnik, suliniutini annertuuni aqutsisunik teknikkimullu tunngatillugu atortunik pisiortortunik qanimut suleqateqarneq pingaarteqaarput.
- Aningaasaqarnikkut avatangiisinullu tunngatillugu akisussaassuseqarneq pingaartipparput.
- Peqqinnissaqarfik Disko 6000-inik inoqarpoq. Peqqinnissaqarfik qitiusumik napparsimmaveqarpoq, marlunnik peqqissaaveqarpoq, ataatsimik peqqissaaveeraqarpoq arfinilinnillu nakorsiartitsiveqarluni
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 1/11-2026 immikkulluunniit isumaqatigiissuteqarnikkut
Qinnuteqarfissaq kingulleq: 15/10-2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Nakorsatut qullersaq Vibeke Sørensen oqarasuaatikkut: (299) 56 07 06 imal. mailikkut: VEKS@PEQQIK.GL attavigalugit pissarsiarineqarsinnaapput
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
