Naalakkersuisut Kommune Kujallermi kommunalbestyrelsi sinnerlugu imigassanik aalakoornartortalinnik tuniniaanermut sassaalliinermullu utaqqiisaasumik inerteqquteqalernissamik qinnuteqaammik tigusaqarput. Qinnuteqaat akuerineqarpoq, inerteqqullu ullumimit, oktobarip 2-anni 2026.
Imigassanik aalakoornartortalinnik tuniniaanerup sassaalliinerullu utaqqiisaasumik
unitsinneqarnerata siunertaraa meeqqat atugarisaanut innuttaasullu isumannaatsuunissaannut ulorianartorsiortitsinerup piuneerutsinneqarnissaa. Aammattaaq Kommune Kujalleq nalunaarpoq imigassanik aalakoornartortalinnik atuinerup toqqaannartumik kingunerisaanik ajunaarnartunik pisoqarnerisa kingorna kommunimi innuttaasut akornanni piffissami kingullermi annertuumik ernumanermik toqqissisimannginnermillu pilersitsisimammat.
Kommunalbestyrelsip kissaatigaa imigassanik aalakoornartortalinnik tuniniaanermut sassaalliinermullu inerteqqut tamanna pillugu nalunaarutip atorunnaarsinneqarnissaata tungaanut atuutissasoq.
Tamanna tunngavigalugu Naalakkersuisut kommunip qinnuteqaataa akuerineqarnissaa aalajangerpaat, imigassanillu aalakoornartortalinnik tuniniaanermut sassaalliinermullu utaqqiisaasumik inerteqquteqalersitsillutik.
