Naartunaveersaasersuisimaneq pillugu suliami aningaasatigut ajunngitsorsiassaqarnissamut atatillugu peqquserlunnianut Naalakkersuisut mianersoqqusipput, innuttaasullu sianiginissaannik kaammattorlugit.
Naartunaveersaasersuisimaneq pillugu suliami aningaasatigut ajunngitsorsiassaqarnissamut atatillugu innuttaasunut peqquserlunniartoqartoq Naalakkersuisut paasivaat. Messenger aqqutigalugu saaffiginnissutini tamanna ilaatigut takuneqarpoq.
Tamanna pillugu Naalakkersuisut kaammattuutigaat, taamatut saaffiginnissutini imminut tunngasunik imaluunniit paasissutissanik mianerisassanik tunniussisoqassanngitsoq.
Aningaasatigut ajunngitsorsiassanik qinnuteqarsimasut qinnuteqaatertik pillugu Messengerikkut attavigineqarnavianngillat. Pasinartumik saaffigineqaraanni kaammattuutigineqarpoq, Frederiksen Law post@frederiksen.gl-ikkut imaluunniit oqarasuaammut 34 19 91-imut attavigeqqullugu.
Naartunaveersaasersuisimaneq pillugu suliami aningaasatigut ajunngitsorsiassaqarnissamut atatillugu peqquserlunnianut mianersoqqussut
-
Kommunip inissiatai aserfallakkiartorput: Iluarsaassinissamut kinguaattoorutit matussuserniarlugit ineqarnermut akiliut 24 procentimik qaffanneqartariaqaraluarpoq
-
Ilinniartut ilinniartitsisui inissiat pitsaassusiisa appasinnerat pissutigalugu soraartarput
-
Avannaani Kitaani inuussutissarsiutigalugu aalisartut kapisilinniarnerat unitsinneqassaaq